ധര്‍മജന്‍ ബോള്‍ഗാട്ടിയുടെ സമയം തെളിഞ്ഞു എന്നാണ് സിനിമാലോകത്തെ വാര്‍ത്ത‍. അത് സംഭവം ശരിയാണ് താനും . കാരണം ഇപ്പോള്‍ ധര്‍മജന്‍ ഉണ്ടോ എങ്കില്‍ സിനിമ സൂപ്പര്‍ ഹിറ്റ്‌ എന്നാണ് അടക്കംപറച്ചില്‍ .മിമിക്രി രംഗത്ത് നിന്നും കഷ്ടപ്പെട്ട് സിനിമയില്‍ എത്തിയ ആളാണ്‌ ധര്‍മജന്‍. പ്രേതം, കട്ടപ്പനയിലെ ഋത്വിക് റോഷന്‍ എന്നീ ചിത്രങ്ങളിലൂടെ പോയ വര്‍ഷത്തിന്റെ താരമായി മാറിയ ഈ കലാകാരന്‍ കടന്നുവന്നത് ഒരുപിടി പ്രതിസന്ധികളെ അതിജീവിച്ചാണ് എന്ന് അറിയാവുന്നവര്‍ ചുരുക്കം.കൊച്ചിയുടെ വാലായ മുളവുകാട് എന്ന ഗ്രാമത്തില്‍ ആണ് ധര്‍മജന്‍ തന്റെ  ജീവിതം ആരംഭിച്ചതും .

സ്‌റ്റേജ് ഷോകളും അല്ലറചില്ലറ ടിവി പരിപാടികളുമായി നടക്കുന്ന സമയത്താണ് രമേഷ് പിഷാരടിയെ ധര്‍മജന്‍കണ്ടുമുട്ടുന്നത്.ആ ബന്ധം  ഇന്നും ഇവര്‍ സൂക്ഷിക്കുന്നു .വളരെ ഹിറ്റായ ഒരു തമാശപരിപാടി ധര്‍മജന്‍ എഴുതുന്ന സമയമാണത്. ആ സമയത്താണ് പിഷാരടി വരുന്നത്. അങ്ങനെ ഇരുവരും  ഒരുമിച്ച് എഴുതാന്‍ തുടങ്ങി. ഒരുമിക്കാന്‍ പറ്റിയ കമ്പനിയാണെന്ന് രണ്ടാള്‍ക്കും അന്നേ തോന്നിയിരുന്നു എന്ന് ഇരുവരും പറയുന്നു .പിന്നെ  പിഷാരടി ഏഷ്യാനെറ്റിലേക്ക് പോകുകയും മറ്റൊരാള്‍ പോയതിന്റെ ഒഴിവില്‍ എന്നെ വിളിക്കുകയും ചെയ്തു. അങ്ങനെ ഞങ്ങള്‍ ഒരുമിച്ചപ്പോള്‍ പരിപാടിക്ക് വലിയ റേറ്റിങ് കിട്ടുകയും എന്നെ സ്ഥിരമാക്കുകയും ചെയ്തു എന്നും ധര്‍മജന്‍ പറയുന്നു .

ജീവിതത്തില്‍ ഒരിക്കല്‍ ജയിലില്‍ കിടക്കേണ്ടിവന്ന സംഭവത്തെക്കുറിച്ച് ധര്‍മജന്‍ പറയുന്നതിങ്ങനെ- ഒരിക്കല്‍ ഞങ്ങളുടെ നാട്ടില്‍ വലിയ കുടിവെള്ളക്ഷാമം വന്നു. ജനങ്ങളൊക്കെ കുടിവെള്ളം കിട്ടാതെ വലയുന്ന സമയം. അന്ന് ഞാന്‍ ഒരു യുവജനസംഘടനയുടെ നേതൃത്വത്തിലുണ്ട്. കുടിവെള്ളം ലഭ്യമാക്കണമെന്ന് ആവശ്യപ്പെട്ട് ഒരുദിവസം വാട്ടര്‍ അതോറിറ്റി ഓഫീസ് തല്ലിപ്പൊളിച്ചു. അതിന്റെ പേരില്‍ നാലു ദിവസത്തോളം എറണാകുളം സബ് ജയിലില്‍ കിടക്കേണ്ടിവന്നു. ജയിലില്‍ വന്ന ദിവസം മട്ടന്‍ കറിയായിരുന്നു. നാലുദിവസം കഴിഞ്ഞ് ഞങ്ങള്‍ക്ക് ജാമ്യംകിട്ടി. അതിന് ശേഷം കുടിവെള്ളമൊക്കെ കിട്ടാന്‍ തുടങ്ങി. പോലീസുകാര്‍ ഇടിക്കുമെന്ന് പേടിയുണ്ടായിരുന്നെങ്കിലും അങ്ങനെയൊന്നും ഉണ്ടായില്ല എന്ന് ധര്‍മജന്‍ പറയുന്നു .

Loading...