എയർ ഇന്ത്യയിലെ മുതിർന്ന പൈലറ്റ് ജൂനിയർ പൈലറ്റുമാരെ ആകാശത്തു വെച്ച് കോടാലി കാട്ടി ഭീഷണിപ്പെടുത്തിയതായി റിപ്പോർട്ട്. രണ്ട് ജൂനിയർ പൈലറ്റുമാരുടെ പരാതിയിൽ മുതിർന്ന പൈലറ്റിനെ പരിശീലക സ്ഥാനത്തു നിന്നും മാറ്റി. ഇയാൾക്കെതിരെ അന്വേഷണത്തിന് ഉത്തരവിട്ടിരിക്കുകയാണ് എയർ ഇന്ത്യ. കുറ്റക്കാരനാണെന്ന് കണ്ടെത്തിയാൽ ഇയാളെ ജോലിയിൽ നിന്നും പിരിച്ചു വിടും.

ഇയാൾക്കെതിരെ പരാതി നൽകിയവരിൽ ഒരാൾ വനിതയാണ്. പരിശീലകൻ തന്നോട് മോശമായി പെരുമാറിയെന്നും ഒരു തവണ തലയിൽ ഇടിച്ചെന്നും ട്രെയിനി പൈലറ്റ് പരാതിയിൽ പറയുന്നു. മുംബൈയിൽ നിന്നും കൊൽക്കത്തിയിലേയ്ക്കുള്ള എയർബസ് എ320-ൽ വെച്ച് 5000 അടി ഉയരത്തിൽ വച്ചാണ് സംഭവം. കോടാലി കാണിച്ചും ഭീഷണിപ്പെടുത്തിയിരുന്നു.

Loading...

2018 ജനുവരി 26നാണ് വനിതാ പൈലറ്റ് ട്രെയിനി പരാതി നൽകിയത്. ക്രാഷ് ആക്‌സ് കാണിച്ച് പരിശീലകൻ ഭീഷണിപ്പെടുത്തിയതായും അദ്ദേഹത്തിന്റെ ഒപ്പം ഒരു വിമാനത്തിൽ തന്നെ നിയോഗിക്കരുതെന്നും ഇവർ അഭ്യർത്ഥിച്ചിരുന്നു. ഇതിന് പിന്നാലെ പിറ്റേ ദിവസമാണ് മറ്റൊരു ട്രെയിനിയും ഈ പരിശീലകനെതെരി പരാതി നൽകിയത്. ഇതേ ആരോപണം തന്നെയാണ് രണ്ടാമത്തെ ആൾ നൽകിയ പരാതിയിലും പറഞ്ഞിരിക്കുന്നത്. ഇദ്ദേഹത്തിന്റെ പെരുമാറ്റം വിമാനത്തെ അപകടത്തിലാക്കാൻ സാധ്യതയുള്ളതിനാലാണ് ഇതെന്നും അവർ പരാതിയിൽ വ്യക്തമാക്കിയിരുന്നു.


 

 
Loading...