കുണ്ടറയിൽ മകൻ ജിത്തുവിനെ ഷാളുപയോഗിച്ച് ശ്വാസം മുട്ടിച്ച് കൊലപ്പെടുത്തിയ ശേഷം തെളിവു നശിപ്പിക്കാനായി അമ്മ ജയ ചെയ്തത് കൊടും ക്രൂരത.
ജി​ത്തു​വി​ന്റെ ശ​രീ​രം ജയ വ​ലി​ച്ചി​ഴ​ച്ച് വീ​ടി​ന് പി​ന്നിൽ കൊ​ണ്ടു​വ​ന്ന് മ​തി​ലി​നോ​ട് ചേർ​ത്ത് ക​ത്തിച്ചു. അ​വി​ടെ വ​ച്ച് പൂർ​ണ​മാ​യും ക​ത്തി​ല്ലെ​ന്ന് ബോ​ദ്ധ്യ​മാ​യ​തോ​ടെ വെ​ള്ളം ഒ​ഴി​ച്ച് കെ​ടു​ത്തി. പ​കു​തി ക​ത്തിയ ശ​രീ​രം വീ​ണ്ടും വ​ലി​ച്ചി​ഴ​ച്ച് മ​തി​ലി​ന് മു​ക​ളി​ലൂ​ടെ ആൾ താ​മ​സ​മി​ല്ലാ​ത്ത കു​ടുംബ വീ​ടി​ന്റെ പ​റ​മ്പി​ലി​ട്ടു. പി​ന്നാ​ലെ ജയ മ​തിൽ ചാ​ടി. ശ​രീ​രം വീ​ണ്ടും വ​ലി​ച്ചി​ഴ​ച്ച് കു​ടും​ബ​വീ​ടി​നോ​ട് ചേർ​ന്ന് വാ​ഴ​ക്കൃ​ഷി ചെ​യ്യു​ന്ന ഭാ​ഗ​ത്ത് കൊ​ണ്ടു​വ​ന്ന് ക​ത്തി​ച്ചു. ശ​രീ​രം ക​ത്തി​ത്തീ​രും വ​രെ അ​വി​ടെ നി​ന്നു. മൃ​ത​ദേ​ഹം ക​ത്തി​ക്കു​ന്ന​തി​ന് അ​യൽ വീ​ട്ടിൽ നി​ന്നാ​ണ് ജയ മ​ണ്ണെ​ണ്ണ വാ​ങ്ങി​യ​ത്. രാ​ത്രി ഏ​ഴ​ര​യോ​ടെ തി​രി​കെ മ​തിൽ ചാ​ടി വീ​ട്ടി​ലെ​ത്തി. എ​ട്ട​ര​യോ​ടെ ഭർ​ത്താ​വ് ജോ​ബ് ജി.​ജോൺ ജോ​ലി ക​ഴി​ഞ്ഞ് മ​ട​ങ്ങി​വ​ന്ന​പ്പോൾ സ്കെ​യിൽ വാ​ങ്ങാൻ പോയ ജി​ത്തു തി​രി​കെ വ​ന്നി​ല്ലെ​ന്നാ​ണ് ജയ പ​റ​ഞ്ഞ​ത്.

സ്വ​ത്ത് തർ​ക്കം ഗൗ​ര​വ​ത്തി​ലെ​ടു​ത്തി​ട്ടി​ല്ല
കൊ​ല​യ്ക്ക് കാ​ര​ണ​മാ​യി ജയ പ​റ​യു​ന്ന സ്വ​ത്ത് തർ​ക്കം പൊ​ലീ​സ് ഗൗ​ര​വ​ത്തി​ലെ​ടു​ത്തി​ട്ടി​ല്ല. ഭർ​ത്താ​വി​ന്റെ കു​ടും​ബ​ത്തോ​ടു​ള്ള വി​രോ​ധ​ത്തിൽ സ്വ​ന്തം മ​ക​നെ ക്രൂ​ര​മാ​യി കൊ​ല​പ്പെ​ടു​ത്തി എ​ന്ന​ത് വി​ശ്വ​സി​ക്കാ​നാ​കി​ല്ലെ​ന്നാ​ണ് പൊ​ലീ​സ് പ​റ​യു​ന്ന​ത്. കൊ​ല​പാ​തക കാ​ര​ണം വ്യ​ക്ത​മാ​കാൻ ജി​ത്തു​വി​ന്റെ ബ​ന്ധു​ക്ക​ളെ ചോ​ദ്യം ചെ​യ്യാ​നാ​ണ് പൊ​ലീ​സ് തീ​രു​മാ​നം.

വ​ഴി​ത്തി​രി​വാ​യ​ത് കൈ​യി​ലെ പൊ​ള്ളൽ
ജി​ത്തു​വി​ന് വേ​ണ്ടി പൊ​ലീ​സും നാ​ട്ടു​കാ​രും നാ​ടു​നീ​ളെ അ​ന്വേ​ഷ​ണം ന​ട​ത്തിയ ര​ണ്ട് ദി​വ​സ​വും ജി​ത്തു​വി​ന്റെ മൃ​ത​ശ​രീ​രം ക​ത്തി​കി​ട​ന്ന സ്ഥ​ല​ത്ത് ജയ പോ​യി നോ​ക്കി​യി​രു​ന്നു. ബു​ധ​നാ​ഴ്ച വീ​ട്ടി​ലെ​ത്തിയ പൊ​ലീ​സ് ഉ​ദ്യോ​ഗ​സ്ഥർ ജ​യ​യു​ടെ കൈ​യി​ലെ പൊ​ള്ളൽ ശ്ര​ദ്ധി​ച്ച​താ​ണ് അ​ന്വേ​ഷ​ണ​ത്തി​ന് വ​ഴി​ത്തി​രി​വാ​യ​ത്.
ആ​ദ്യം റോ​സാ മു​ള്ള് കൊ​ണ്ട​താ​ണെ​ന്ന് പ​റ​ഞ്ഞ ജയ പി​ന്നീ​ട് പൊ​ള്ളി​യ​താ​ണെ​ന്ന് തി​രു​ത്തി. മ​റു​പ​ടി​യിൽ വൈ​രു​ദ്ധ്യം തോ​ന്നിയ പൊ​ലീ​സ് ബു​ധ​നാ​ഴ്ച വീ​ടും പ​രി​സ​ര​വും പ​രി​ശോ​ധി​ച്ച​പ്പോ​ഴാ​ണ് ജി​ത്തു​വി​ന്റെ ക​ത്തി​ക്ക​രി​ഞ്ഞ മൃ​ത​ദേ​ഹം ക​ണ്ടെ​ത്തി​യ​ത്.
കൊ​ല​പാ​ത​കം ആ​സൂ​ത്രി​ത​മ​ല്ലെ​ന്നും മൃ​ത​ദേ​ഹം ക​ത്തി​ക്കു​ന്ന​തി​ന് മ​റ്റാ​രു​ടെ​യും സ​ഹാ​യം ല​ഭി​ച്ചി​ട്ടി​ല്ലെ​ന്നു​മാ​ണ് അ​ന്വേ​ഷണ സം​ഘ​ത്തി​ന്റെ പ്രാ​ഥ​മിക നി​ഗ​മ​നം. കു​ണ്ടറ എം.​ജി.​ഡി ബോ​യ്സ് ഹൈ​സ്കൂ​ളി​ലെ ഒൻ​പ​താം ക്ലാ​സ് വി​ദ്യാർ​ത്ഥി​യാ​ണ് ജി​ത്തു. ജി​ത്തു​വി​ന്റെ ട്യൂ​ഷൻ അ​ദ്ധ്യാ​പ​ക​രിൽ ഒ​രാ​ളെ വി​വ​ര​ങ്ങൾ ചോ​ദി​ച്ച​റി​യാൻ പൊ​ലീ​സ് ക​സ്റ്റ​ഡി​യി​ലെ​ടു​ത്തെ​ങ്കി​ലും ബു​ധ​നാച രാ​ത്രി ത​ന്നെ വി​ട്ട​യ​ച്ചി​രു​ന്നു.

Loading...