കോട്ടയം : പുതിയ ബ്യൂട്ടി പാര്‍ലറില്‍ മാനേജർ തസ്തികയിലേക്കുള്ള ഇന്റര്‍വ്യൂവിനാണെന്ന വ്യാജേനെ യുവതിയെ ഹോട്ടലിലേയ്ക്ക് വിളിച്ചു വരുത്തി ബലാത്സംഗം ചെയ്ത യുവാവ് പിടിയിൽ . നിലമ്പൂര്‍ കരിമ്പുഴ ഇറയത്തറ വീട്ടില്‍ അയൂബ് (35) ആണ് പിടിയിലായത്. ഇയാൾ ഫെയ്‌സ്ബുക്ക് വഴിയാണ് യുവതിയെ പരിചയപ്പെട്ടത് . കോട്ടയം സ്വദേശിനിയായ യുവതിയെ ബുധനാഴ്ച അത്താണിയിലെ ഒരു ഹോട്ടലില്‍ വച്ചാണ് അയൂബ് പീഡിപ്പിച്ചത്. ബ്യൂട്ടീഷ്യനായ യുവതിക്ക് അയൂബ് കൊച്ചിയില്‍ തുടങ്ങുന്ന പുതിയ ബ്യൂട്ടി പാര്‍ലറില്‍ മാനേജരായി ജോലി നല്‍കാമെന്ന് പറഞ്ഞാണ് ഇന്റര്‍വ്യൂവിനായി ഹോട്ടലിലേക്ക് വിളിപ്പിച്ചത്.

ഹോട്ടലില്‍ നിന്ന് പുറത്തിറങ്ങിയ യുവതി ഒരു സുഹൃത്തിനെ വളിച്ചു വരുത്തി കബളിപ്പിക്കപ്പെട്ട കാര്യം പറഞ്ഞ ശേഷം ഇരുവരും ചേര്‍ന്ന് ചെങ്ങമനാട് പൊലീസില്‍ പരാതി നല്‍കുകയായിരുന്നു. 40കാരിയും രണ്ട് കുട്ടികളുടെ മാതാവുമായ യുവതി ഭര്‍ത്താവുമായി അകന്ന് കഴിയുകയാണ്.

പൊലീസ് കസ്റ്റഡിയിലെടുത്ത അയൂബിനെ വ്യാഴാഴ്ച കോടതിയില്‍ ഹാജരാക്കി റിമാന്‍ഡ് ചെയ്തു. റിയല്‍ എസ്റ്റേറ്റ് നടത്തുന്ന അയൂബ് വലിയ പണക്കാരനെന്ന വ്യാജേന മുന്തിയ ഹോട്ടലുകളില്‍ മുറിയെടുത്ത് സമൂഹ മാധ്യമങ്ങള്‍ വഴി പരിചയപ്പെടുന്ന സ്ത്രീകളെ വിളിച്ചു വരുത്തി പീഡിപ്പിക്കുന്നത് സ്ഥിരമാണെന്ന് പൊലീസ് പറഞ്ഞു

Loading...