കൊച്ചിയില്‍ ന്യൂ ഇയറിനോടനുബന്ധിച്ചു ആയിരം കന്യകമാരെ പൂര്‍ണ നഗ്നരാക്കി പ്രത്യേക രഹസ്യപ്രാര്‍ഥന നടത്താൻ നീക്കമെന്ന് റിപ്പോര്‍ട്ടുകള്‍ . ഇതുസംബന്ധിച്ച പോലീസിന്റെ രഹസ്യാന്വേഷണ വിഭാഗം അന്വേഷണം തുടങ്ങി.കഴിഞ്ഞ മെയ് മാസത്തിലും ഇതുപോലൊരു പരിപാടി ആസൂത്രണം ചെയ്തിരുന്നെങ്കിലും വാർത്ത പുറം ലോകം അറിഞ്ഞതോടെ പ്രാർത്ഥന മാറ്റി വെക്കുകയായിരുന്നു.

ക്രിസ്തുമത വിശ്വാസികളായ ആയിരം കന്യകമാരെ പ്രാര്‍ഥനയില്‍ പങ്കെടുപ്പിക്കും. സംസ്ഥാനത്തെ സാത്താന്‍ സേവ വിശ്വാസികളെ പരസ്പരം ബന്ധിപ്പിക്കുന്ന വാട്‌സ്ആപ്പ് ഗ്രൂപ്പുകളും സജീവമാണെന്ന് റിപ്പോര്‍ട്ടുകളില്‍ പറയുന്നു.

കൊച്ചി കേന്ദ്രീകരിച്ച് സാത്താന്‍സേവക്കാരുടെ ആഭിചാര ക്രിയകള്‍ നടക്കുന്നുണ്ടെന്ന് നേരത്തെ റിപ്പോര്‍ട്ടുകളുണ്ടായിരുന്നു. ആറ് വര്‍ഷങ്ങള്‍ക്ക് മുമ്പു തന്നെ സാത്താന്‍ സേവ കേരളത്തില്‍ ഏറെ ചര്‍ച്ചയായതാണ്.കോഴിക്കോട്ടും കൊച്ചിയിലും ആലപ്പുഴയിലും കോട്ടയത്തും തിരുവനന്തപുരത്തും സാത്താന്‍ സേവ സംഘങ്ങള്‍ സജീവമാണെന്നാണ് പുറത്തുവരുന്ന വിവരങ്ങള്‍. നന്തന്‍കോട് കൂട്ടക്കൊല നടത്തിയ കേഡല്‍ ജീന്‍സണ്‍ പോലീസിനോട് ഇതുസംബന്ധിച്ച സൂചനകള്‍ നല്‍കിയിരുന്നു.നഗരങ്ങളില്‍ ഒറ്റപ്പെട്ടുകിടക്കുന്ന വീടുകളും ഫ്‌ളാറ്റുകളും കേന്ദ്രീകരിച്ചാണ് ഇത്തരം സാത്താന്‍സേവ സംഘങ്ങള്‍ പ്രവര്‍ത്തിക്കുന്നത്. ഭയാനകവും വിചിത്രവുമാണ് ഇവരുടെ ആചാര രീതികള്‍.

സംസ്ഥാനത്തെ സാത്താന്‍ സേവ വിശ്വാസികളെ എല്ലാം ഒന്നിച്ച് ചേര്‍ത്ത് കൂട്ട പ്രാര്‍ഥന നടത്താനും സംഘടന രൂപീകരിക്കാനുമാണ് നീക്കം. കൊച്ചിയിലെ രഹസ്യ ദ്വീപില്‍ വച്ച് പ്രത്യേക രീതിയിലുള്ള പ്രാര്‍ഥന നടത്തുകയാണ് സംഘത്തിന്റെ ലക്ഷ്യം.ഇന്ത്യൻ ഭരണ ഘടന അനുവദിക്കുന്ന മതസ്വാതന്ത്ര്യവും ആരാധന സ്വാതന്ത്ര്യവും സാത്താൻ സേവക്കാർക്കും ബാധകമാണെന്നും സാത്താനെയോ മൃഗങ്ങളെയോ ആൾ ദൈവങ്ങളെയോ ഒക്കെ ആരാധിക്കുന്നത് തങ്ങളുടെ സ്വാതന്ത്ര്യമാണെന്നും ന്യൂന പക്ഷ പരിഗണനകൾ തങ്ങൾക്കും അനുവദിച്ചു തരണമെന്നും സാത്താൻ സേവകർ ആവശ്യപ്പെടുന്നു.

സാത്താന്‍ എന്നത് ഒരു മിത്താണ്, ആശയമാണ്, തിന്മയുടെ ആശയമാണ് എന്നെല്ലാമുള്ള അബദ്ധധാരണകള്‍ക്കെതിരെ ശക്തമായി ഫ്രാന്‍സിസ് മാര്‍പാപ്പ പ്രതികരിക്കാറുണ്ട്. സാത്താന്‍ നിലനില്ക്കുന്ന യാഥാര്‍ത്ഥ്യമാണെന്നും നാം അതിനെതിരെ പോരാടണമെന്നുമാണ് പാപ്പ ആവര്‍ത്തിക്കുന്നത്. ഭൂതോച്ചാടകരുടെ അന്താരാഷ്ട്ര സമ്മേളനം കഴിഞ്ഞ ഒക്ടോബറില്‍ വത്തിക്കാനില്‍ നടന്നിരുന്നു. അജപാലനപരമായ അടിയന്തിരാവശ്യമാണ് ഭൂതോച്ചാടനമെന്ന് സംഘടനയുടെ വക്താവ് ഡോ. വാള്‍ട്ടര്‍ കാസിയോലി അഭിപ്രായപ്പെടുന്നു.

ബ്ലാക്ക് മാസ് ചെയ്യുന്നവർ പ്രധാനമായും ആരാധിക്കുന്നത് ലൂസിഫറിനെയാണ് എന്ന് പറയപ്പെടുന്നു. ലൂസിഫർ എന്നത് ഇന്ന് സാത്താന്റെ പര്യായമാണ് എങ്കിലും , ആദി സൃഷ്ടിയുടെ സമയത്ത് ദൈവത്താൽ ആദ്യമായി സൃഷ്ടിക്കപ്പെട്ട മാലാഖയായിരുന്നു ലൂസിഫർ. എന്നാൽ ഭൂമിയിൽ എത്താൻ ഏറെ ആഗ്രഹിച്ചിരുന്ന ലൂസിഫർ അതിനായി യുദ്ധം ചെയ്യുകയും ദൈവശാപത്തോടെ ഭൂമിയിൽ എത്തുകയും ചെയ്തു എന്നാണ് ബ്ലാക്ക് മാസ് വിശ്വാസികൾ പറയുന്നത്.

കുപ്പായം’ ഊരിയ വൈദികര്‍ക്ക്‌ വന്‍ ഡിമാന്റാണ്‌ ബ്ലാക്ക്‌ മാസ്‌ വേദിയില്‍. ഇത്തരക്കാര്‍ കറുത്ത കുര്‍ബാനയര്‍പ്പിച്ചാല്‍ സാത്താന്‍ പെട്ടെന്ന്‌ സംപ്രീതനാകുമെന്നാണ്‌ വിശ്വാസം. പതിനായിരങ്ങള്‍ നല്‍കി ചില മുന്‍വൈദികരെ സാത്താന്‍ ആരാധകര്‍ പ്രയോജനപ്പെടുത്തുന്നതായി കത്തോലിക്കാസഭ തന്നെ കണ്ടെത്തിയിട്ടുണ്ട്‌.

‘ആവേ,സാത്താനാസ്‌!’ എന്ന പ്രയോഗത്തോടെയാണ്‌ എല്ലാ കറുത്ത കുര്‍ബാനകളും ആരംഭിക്കുകയും അവസാനിക്കുകയും ചെയ്യുക. വിശുദ്ധ കുര്‍ബാനയില്‍ അപ്പവും വീഞ്ഞും (ക്രിസ്തുവിന്റെ ശരീരവും രക്തവും) ബലിവസ്തുക്കള്‍ ആവുമ്പോള്‍, കറുത്ത കുര്‍ബാനയില്‍ രക്തവും മാംസവും ബലി വസ്തുക്കളാവുന്നു. അതിലൂടെ ദൈവത്തെയും ദൈവ പുത്രനെയും അവഹേളിക്കുക അങ്ങനെ സാത്താനെ പ്രീതിപ്പെടുത്തുക എന്നതാണ്‌ കറുത്ത കുര്‍ബാനകൊണ്ട്‌ ഉദ്ദേശിക്കുന്നത്‌.

തിരുവോസ്തി എന്ന ക്രിസ്തു ശരീരത്തെ തലയോട്ടിയിലെ മൂത്രത്തില്‍ ഇട്ട്‌ അതിനെ അവഹേളിക്കുന്നു. ബലിപീഠത്തില്‍ കിടക്കുന്ന പരിപൂര്‍ണ്ണ നഗ്നയായ സ്ത്രീയുടെ ഗുഹ്യഭാഗത്തിലാവും അധികവും ഈ തലയോട്ടി വെച്ചിരിക്കുക. കുര്‍ബാനയ്ക്ക്‌ ശേഷം ഹൈപ്രിസ്റ്റ്‌ (മുഖ്യ പുരോഹിതന്‍) അവളുമായുള്ള ലൈംഗിക വേഴ്ചനടത്തുന്നതോടെയാണ്‌ കറുത്ത കുര്‍ബാന പൂര്‍ത്തിയാവുക.

ലൂസിഫറിന്റെ പിൻഗാമികളാണ് ബ്ലാക്ക് മാസ് അനുഷ്ഠിക്കുന്നത്. എല്ലാ മതത്തിലും ഉണ്ട് സാത്താൻ സേവ. ചാത്തനെന്നും ജിന്നെന്നും ലൂസിഫറിനും പലപേരുകളിൽ ഉണ്ടെന്നു മാത്രം. ഇവയുടെയെല്ലാം അടിസ്ഥാനം ഒന്ന് തന്നെയാണ്. അസാമാന്യമായ ശക്തിയിലും തിന്മയിലുമാണ് ഇവർ വിശ്വസിക്കുന്നത്. മഹത് പുസ്തകങ്ങളിൽ എന്താണോ പറയുന്നത് അതിനു നേരെ എതിരായുള്ള കാര്യങ്ങളാണ് ചെയ്യുക.

Loading...